"Ливерпуль" собиқ бош мураббийи Юрген Клопп Флориан Вирцнинг инглиз клубига трансферини маъқуллади.

20 июнь, жума куни "қизиллар" 22 ёшли футболчи билан 2030 йилгача мўлжалланган шартнома имзолаганини эълон қилди. The Athletic маълумотларига кўра, Вирцнинг маоши ҳафтасига 230 минг еврони ташкил этади, бонусларни ҳисобга олганда эса маош 285 минг еврогача ошиши мумкин.

"Ишончим комилки, бу ақл бовар қилмайдиган бўлади. "Ливерпуль" - ўтган мавсумдаёқ ажойиб бўлган фантастик жамоа. Бундай таркибни кучайтириш жуда қийин, айниқса, чемпион бўлсанг. Аммо "Ливерпуль" буни уддалади. Улар Флориан Вирцни сотиб олди - бу ҳақиқатан ҳам ажойиб истеъдод. Уни майдонда кўришни интизорлик билан кутяпман. Бу зўр бўлади," - дея Клоппнинг сўзларини келтиради NTV.