"Liverpul" sobiq bosh murabbiyi Yurgen Klopp Florian Virsning ingliz klubiga transferini ma’qulladi.
20 iyun, juma kuni "qizillar" 22 yoshli futbolchi bilan 2030 yilgacha mo‘ljallangan shartnoma imzolaganini e’lon qildi. The Athletic ma’lumotlariga ko‘ra, Virsning maoshi haftasiga 230 ming yevroni tashkil etadi, bonuslarni hisobga olganda esa maosh 285 ming yevrogacha oshishi mumkin.
"Ishonchim komilki, bu aql bovar qilmaydigan bo‘ladi. "Liverpul" - o‘tgan mavsumdayoq ajoyib bo‘lgan fantastik jamoa. Bunday tarkibni kuchaytirish juda qiyin, ayniqsa, chempion bo‘lsang. Ammo "Liverpul" buni uddaladi. Ular Florian Virsni sotib oldi - bu haqiqatan ham ajoyib iste’dod. Uni maydonda ko‘rishni intizorlik bilan kutyapman. Bu zo‘r bo‘ladi," - deya Kloppning so‘zlarini keltiradi NTV.
