"Манчестер Сити" бош мураббийи Хосеп Гвардиола жамоасининг марказий ҳимоячиси Жон Стоунс ҳақида гапирди.

31 ёшли футболчи февраль ойидан буён жароҳати сабаб майдонга тушмаяпти. Клублар ўртасидаги жаҳон чемпионати гуруҳ босқичи 1-туридан ўрин олган "Видад Касабланка"га (2:0) қарши баҳсда англиялик футболчи захира ўриндиғига ўтирди, аммо майдонга тушмади.

"Биз Стоунздан истайдиган ягона нарса - у соғлом бўлиши ва ўзининг ажойиб ишини бажара олиши, ўтган мавсумдагидек эмас, барқарор футбол ўйнай олиши. Биз ундан шуни истаймиз, холос. Унинг қобилияти ва истеъдодига ҳеч қандай шубҳа йўқ. Фақат унга формага киришига ёрдам бериш қолди - қолган барчасини ўзи бажаради," - дея Гвардиоланинг сўзларини келтиради City Xtra.