"Manchester Siti" bosh murabbiyi Xosep Gvardiola jamoasining markaziy himoyachisi Jon Stouns haqida gapirdi.

31 yoshli futbolchi fevral oyidan buyon jarohati sabab maydonga tushmayapti. Klublar o‘rtasidagi jahon chempionati guruh bosqichi 1-turidan o‘rin olgan "Vidad Kasablanka"ga (2:0) qarshi bahsda angliyalik futbolchi zaxira o‘rindig‘iga o‘tirdi, ammo maydonga tushmadi.

"Biz Stounzdan istaydigan yagona narsa - u sog‘lom bo‘lishi va o‘zining ajoyib ishini bajara olishi, o‘tgan mavsumdagidek emas, barqaror futbol o‘ynay olishi. Biz undan shuni istaymiz, xolos. Uning qobiliyati va iste’dodiga hech qanday shubha yo‘q. Faqat unga formaga kirishiga yordam berish qoldi - qolgan barchasini o‘zi bajaradi," - deya Gvardiolaning so‘zlarini keltiradi City Xtra.