Ўзбекистон кубоги чорак финалининг яна бир учрашуви Қаршида ўз ниҳоясига етди. Зарафшондаги ўйиндан фарқли ўлароқ бу ўйин жавоб баҳси эди.

Маҳаллий «Насаф» жамоаси Фарғонанинг «Нефтчи»сини қабул қилди ва 3:1 ҳисобида ғалаба қозонди. Учрашувда Зоҳид Абдуллаев дублга эришган бўлса, Шоҳруҳ Гадоев жамоасининг учинчи голига муаллифлик қилди. «Нефтчи» таркибида Сардор Собиров гол муаллифига айланди.

Шу тариқа «Насаф» ярим финалга йўлланма олди. Эслатиб ўтамиз, биринчи ўйинда ҳам «Насаф» 2:0 ҳисобида ғалаба қозонган эди.

Ўзбекистон кубоги.
1/4 финал.
Жавоб учрашуви

Насаф - Нефтчи 3:1 (1:0)
Голлар: Зоҳид Абдуллаев (19, 61), Шоҳруҳ Гадоев (75) — Сардор Соибов (72). 
Насаф: Ғайрат Ҳасанов, Раҳматилла Бердимуродов, Мақсуд Каримов, Зоҳид Абдуллаев, Артур Геворкян, Элдор Бойматов, Шоҳруҳ Гадоев, Шерзод Аъзамов (Ҳамза Каримов, 42), Илҳом Юнусов, Одил Ҳамробеков, Суҳроб Неъматов.
Нефтчи: Фарруҳ Турдиалиев, Ойбек Нурбоев, Жавлон Гусейнов, Фахриддин Холмуродов, Дмитрий Бухаров, Сардор Сойибов, Жавҳирбек Расулов, Иззатбек Галиев, Достонбек Турсунзода, Отабек Закиров, Умиджон Қодиров.
Биринчи ўйин: 2:0.