"Ноттингем Форест" клуби қанот ҳужумчиси Жота Силва Туркиянинг "Фенербахче" клуби қизиқишлари доирасида бўлиб турибди. Бу ҳақда журналист Себастьен Видаль маълум қилди.

Манбага кўра, 25 ёшли португалияликнинг хизматларига шахсан "Фенербахче" бош мураббийи Жозе Моуриньо қизиқиш билдирмоқда. Қайд этилишича, турк клуби Силвани сотиб олиш ҳуқуқи билан ижарага олишни режалаштирмоқда. Футболчининг агенти билан музокаралар аллақачон бошланган.

2024/25 йилги мавсумда Силва барча мусобақаларда 38 та ўйинда майдонга тушиб, бешта гол урди ва учта голли узатмани амалга оширди.