Хабарингиз бор, Жиззах шаҳрида Олий лигага ўтиш турнири ташкиллаштирилди.

Мусобақанинг охирги тури иккинчи учрашувида "Нефтчи" - "Пантера" ўзаро рўбарў келиши керак эди.

Бироқ Қорақалпоғистон жамоаси мазкур учрашувга етиб келмади.

Мусобақа регламентининг 9.4 бандида қайд этилганидек, қайдномага киритилмаган ёки дисквалификацияси бор футзалчи учрашувда қатнашгани учун, шунингдек, бирор жамоанинг асосли сабабларсиз учрашувда иштирок этмагани учун ўша клубга 0:5 ҳисобида техник мағлубият, рақиб жамоага 5:0 ҳисобида техник ғалаба ёзилади.

Шунга кўра, мусобақанинг охирги ўйинида "Пантера" жамоасига техник мағлубият ёзилди.