Николо Скиранинг сўзларига кўра, "Ал-Ҳилол" "Наполи" ҳужумчиси Виктор Осимхен ва "Милан"нинг чап қанот ҳимоячиси Тео Эрнандес бўйича таклифларни яхшилаган.
Саудия клуби ўйинчилар билан шартнома имзолай олишига ишончи комил ва яқин кунларда буни амалга оширишни хоҳлайди.
Аввалроқ “Ал-Ҳилол” “Милан” ва “Наполи” клублари билан Эрнандес ва Осимхеннинг трансфери бўйича келишувга эришгани, бироқ футболчилар бу трансфердан воз кечгани ҳақида хабар берилганди.
Жорий мавсумда Виктор “Галатасарой”да ижара асосида 41 та ўйинда майдонга тушиб, 37 та гол урди ва 7 та голли узатмани амалга оширди.
Тео 2024/25 йилги мавсумда клуб сафида 49 ўйинда 5 гол ва 6 голга ассистентлик қилган.
