"Ньюкасл" Англия терма жамоасининг иқтидорли дарвозабони билан шартнома имзолаш устида ишламоқда.
Инсайдер Фабрицио Романо хабарига кўра, "магпилар" ва "Бёрнли" ўртасида "Манчестер Сити" академияси тарбияланувчиси бўлган Жеймс Траффорднинг трансфери борасида музокаралар давом этмоқда.
Қайд этилишича, 22 ёшли дарвозабоннинг трансфери июл ойида амалга ошиши мумкин, шу боис ҳар икки клуб келаси ҳафтадан бошлаб келишувни якунлаш учун жадаллашиши кутилмоқда. Нуфузли Transfermarkt.com сайти унинг нархини 22 миллион еврога баҳоламоқда.
2024/25 йилги мавсумда Жеймс Траффорд Чемпионшипда "Бёрнли" учун 45 ўйинда 29 та "қуруқ" ўйин ўтказиб, жамоасига Премьер-лигага чиқишга ёрдам берди.
