"ПСЖ" дарвозабони Жанлуижи Доннарумма клублар ўртасидаги жаҳон чемпионатининг 1/8 финалида "Интер Майами" билан тўқнаш келиши мумкинлиги ҳақидаги саволга жавоб берди.
Луис Энрике жамоаси ўз гуруҳида ғалаба қозониб, плей-офф босқичига йўл олди. Парижликларнинг навбатдаги рақиби Лионель Месси тўп тепаётган "Интер Майами" бўлди.
"Месси билан учрашув? Бу жуда ажойиб бўларди. Биз икки йил давомида дунёнинг энг буюк футболчиси билан бир жамоада ўйнадик. Аммо умид қиламанки, биз ғалаба қозонамиз, чунки Леода шундоқ ҳам кўплаб совринлар бор," - деди Доннарумма DAZN билан суҳбатда.













