"Милан"нинг чап қанот ҳимоячиси Тео Эрнандес Саудия Арабистонига кўчиб ўтишига оз қолди.
"Ал-Ҳилол" аллақачон футболчи билан шартнома шартларини келишиб олган ва "россонерилар" билан трансфер бўйича келишувга яқин турибди. Журналист Даниэле Лонгонинг маълум қилишича, француз ҳар мавсумда тахминан 18 млн евро ва бонуслар кўринишида 2 млн евро ишлаб топади. "Милан" 27 ёшли футболчини сотишдан кафолатланган 25 млн евро ишлаб олади, шунингдек, келишувда осонлик билан қўлга киритиладиган устамалар ҳам кўрсатилади.
Тео Эрнандесга аввалроқ Мадриднинг "Атлетико" клуби қизиқиш билдираётган эди, аммо "матрасчилар" миланликлар билан келиша олмади.
