Ҳужумчи Жонатан Дэвид Италия топ-клубига ўтиш учун талабларини пасайтиришга тайёр.
Канадалик учун курашда "Ювентус" фаворит ҳисобланади ва футболчининг ўзи ҳам Туринга кўчиб ўтишга қизиқиш билдирмоқда. La Gazzetta dello Sport нашри тарқатган хабарга кўра, Дэвид ўз атрофидагилар орқали "Ювентус"га молиявий талабларни камайтиришга тайёрлигини маълум қилган. Энди 25 ёшли форвард 10 млн евро миқдорида имзо бонуси талаб қилмоқда. "Кекса синьора" учун эса бу барибир жуда кўп - туринликлар 6 млн евро таклиф қилишмоқда.
Жонатан Дэвид Франциянинг "Лилль" жамоаси билан хайрлашганидан сўнг эркин агентга айланди.
