Марио Баслер Марк-Андре тер Штеген билан боғлиқ вазият ҳақида фикр билдирди.
Қайд этилишича, "Барселона" энди немис дарвозабонини ўз режасига киритмайдива унинг клубини ўзгартиришини хоҳлайди.
"Бугунги аҳвол шундай. Агар жароҳат олиб, керак бўлмаса, ахлат қопига ўхшаб улоқтирилади", - дейди Германия терма жамоасининг собиқ ярим ҳимоячиси.
Баслернинг қайд этишича, агар клуб футболчидан қутулишни истаса, ҳатто амалдаги шартномалар ҳам муҳим эмас. Шунда сизни клубдан кетишингизга мажбур қилиш учун ҳамма нарса қилинади, - дейди у.
Собиқ футболчи тер Штегеннинг Германия терма жамоасидаги истиқболига ҳам баҳо берди.
"Унинг энди "Барселона"да имконияти қолмайди ва у терма жамоадаги ўрнини йўқотиш хавфи остида бўлиши мумкин. У 2026 йилги жаҳон чемпионатида биринчи рақамли бўлиш учун бошқа клуб топиши керак", - дея қўшимча қилди Баслер.
