Саудия Арабистонининг "Ан-Наср" клуби ҳужумчиси Криштиану Роналду ижтимоий тармоқда италиялик Стефано Пиолининг жамоа бош мураббийлигидан истеъфога чиқишига муносабат билдирди. 40 ёшли португалиялик ҳужумчи: "Ҳаммаси учун раҳмат", — деб ёзди.
Эслатиб ўтамиз, Пиоли "Ан-Наср"да бир мавсум ишлаган. Ўтган мавсумда жамоа Саудия Арабистони чемпионати турнир жадвалида учинчи ўринни эгаллаган эди. Криштиану 2023 йилнинг январидан буён "Ан-Наср" шарафини ҳимоя қилмоқда. Ўтган мавсумда ҳужумчи Саудия клуби сафида 35 та гол урди ва 4 та голли узатмани амалга оширди.
