"Манчестер Сити" бош мураббийи Хосеп Гвардиола клублар ўртасидаги жаҳон чемпионати гуруҳ босқичидан ўрин олган "Ювентус"га қарши ўйин олдидан мусобақанинг асосий муаммоси - жазирама ҳақида фикр билдирди.
"Иссиқлиги билиниб турибди. Биз уни ўзгартира олмаймиз, тўғрими? Шундай экан, Атлантадаги сўнгги "Мерседес-Бенс Стэдиум"даги каби ўйнаган маъқул. Бу жуда ажойиб эди! Аммо ўйлайманки, барча жамоалар буни уддалаши керак, шунинг учун ҳаммаси жойида. Кейинги жаҳон чемпионатига қадар одамлар бу муаммо ҳақида аллақачон билади, аммо ҳа, биз азоб чекишга тайёр бўлишимиз керак..." - дея Гвардиоланинг сўзларини келтиради BBC.
