"Тоттенхэм" ҳужумчиси Сон Хён Мин ёзда жамоани тарк этиши мумкин.
32 ёшли футболчининг шартномаси бир йилдан сўнг тугайди, аммо ажралиш яқин ойларда содир бўлиши мумкин. Журналист Метт Лоунинг сўзларига кўра, "Тоттенхэм" ходимлари футболчи ўзининг яқин орада кетишини аллақачон режалаштиргандек таассуротга эга.
Сон Хён Мин 2015 йилдан буён “шпорлар” сафида тўп тепади. Ўтган мавсумда у барча мусобақаларда 46та ўйинда майдонга тушиб, 11та гол урди ва 12та голли узатмани амалга оширди.













