Ҳужумчи Альваро Мората яқин келажакда Италиянинг "Комо" клубига ўтиши мумкин. 32 ёшли футболчи аллақачон Сеск Фабрегас жамоасига ўтишга рози бўлган.
Журналист Фабрицио Романонинг ижтимоий тармоқларда хабар беришича, "Милан" ҳозирда "Галатасарой" билан музокаралар олиб бормоқда. Февраль ойида Мората турк клубига ижара асосида ўтди. Шартнома бир йилга мўлжалланган, яъни футболчи "Комо"га ўтиши учун бу шартнома бекор қилиниши керак. Буни клублар муҳокама қилмоқда.
Аввалроқ Италияда Альваро Мората нафақат "Милан"да, балки "Ювентус"да ҳам ўйнаган.













