"Манчестер Сити" ҳужумчиси Эрлинг Холанд клублар ўртасидаги жаҳон чемпионати гуруҳ ўйинида "Ювентус" (5:2) дарвозасига гол киритди.

Бу 24 ёшли норвегиялик футболчи учун фаолиятидаги 300-гол бўлди. Ҳужумчи "Манчестер Сити" сафида 145 та ўйинда 123 та, "Боруссия" Дортмунд сафида 89 та ўйинда 86 та, "Мольде" сафида 50 та ўйинда 20 та, "Зальцбург" сафида 27 та ўйинда 29 та гол урган. Норвегия терма жамоаси сафида у 43 та ўйинда 42 та гол урган.

Халқаро футбол тарихи ва статистикаси федерацияси маълумотларига кўра, Холанд 25 ва 27 ёшида дастлабки 300 та голни урган Лионель Месси ("Интер Майами") ва Криштиану Роналдуни ("Ан-Наср") ортда қолдирди.