"Удинезе" дарвозабони Мадука Окойе сариқ карточка туфайли узоқ муддатга дисквалификация қилиниши мумкин, деб хабар беради Corriere dello Sport.
Манбага кўра, 25 ёшли нигериялик келишилган ўйинларда иштирок этганликда гумон қилинмоқда. 2024 йилнинг март ойида "Лацио"га қарши ўйинда дарвозабон 64-дақиқада вақтни чўзгани учун сариқ карточка олганди. Ушбу тадбир учун жуда кўп ставкалар қайд этилган. Ушбу ўйиндаги ютуқлар учун букмекерлар 120 минг евродан ортиқ маблағ тўлашди.
Иш материаллари Италия прокуратурасига топширилди. Футболчи 4 йилгача дисквалификация қилиниши мумкин.
2024/25 йилги мавсумда Окойе барча турнирларда 26 та ўйинда майдонга тушди ва 40 та гол ўтказиб юборди (5 та ўйинда дарвозасини дахлсиз сақлаб қолди).
