"Барселона" президенти Жоан Лапорта жамоа ярим ҳимоячиси Френки де Йонгнинг келажаги мавзусига изоҳ берди.
Амалдаги шартнома 28 ёшли нидерландиялик футболчини каталонияликлар билан 2026 йилнинг ярмигача боғлаб туради.
"Биз Френкининг бу ерда кўп йиллар ўтказишини истаймиз, чунки у жамоамизнинг асосий футболчиси. У билан шартномани узайтириш жараёни жадвал бўйича кетмоқда ва тез орада бизда янгиликлар бўлади," - дея Лапортанинг сўзларини келтиради Goal портали.
Френки де Йонг "Барселона"да олти мавсум ўтказди. Бу вақт ичида нидерландиялик 259 та ўйинда майдонга тушиб, 19 та гол ва 23 та голли узатмани ўз ҳисобига ёздириб қўйди.
