"Ноттингем Форест" ярим ҳимоячиси Данило "Бетис" эътиборига тушди. Бу ҳақда Daily Mail хабар бермоқда.
Гап футболчини ижарага олиш ҳақида кетмоқда. Аввалроқ, унинг 20 миллион фунт эвазига "Лион"га ўтиши якунланиш арафасида эди, аммо француз клубининг 2-лигага тушиб кетиши бунга жиддий тўсиқ бўлди.
Данило тўпиғи синганлиги сабабли ўтган мавсумнинг дастлабки беш ойини ўтказиб юборди. Футболчи 2023 йилнинг январида "ўрмончилар" сафини 16 миллион фунт эвазига тўлдирганди. Бразилиялик футболчи Англия жамоаси сафида жами 62 та ўйинда майдонга тушиб, 6 та гол урган ва 4 та голли узатмани амалга оширган.
