Нидерландиялик ярим ҳимоячи Френки де Йонг "Барселона"да қоладиган бўлди. Бу ҳақда Diario Sport хабар бермоқда.
Манбага кўра, "Барселона" Френки де Йонг билан шартномани 2029 йилгача узайтириш бўйича қисман келишувга эришган. Шартномани узайтириш ва де Йонгнинг маошини қайта тақсимлаш "Атлетик" вингери Нико Уильямсни сотиб олишда муҳим омил бўлиши мумкин.
2024/25 йилги мавсумда де Йонг барча турнирларда 46 та ўйинда майдонга тушиб, 2 та гол урди ва 2 та голли узатмани амалга оширди.













