ОАВ маълумотига кўра, "Арсенал" "Айнтрахт"нинг франциялик ҳужумчиси Уго Экитикени ўз сафига чорламоқда.
Қайд этилишича, лондонликлар спорт директори Андреа Берта футболчини шорт-листга киритган. Манбанинг қўшимча қилишича, инглиз гранди учун ҳамон "Спортинг" форварди Виктор Дьёкереш ва "РБ Лейпциг" ҳужумчиси Беньямин Шешко устувор вариант бўлиб қолмоқда.
Аммо "Арсенал" футболчилар нархини тушира олмаса ва ҳар қандай ҳолатда ҳам янги ҳужумчи учун катта маблағ сарфлашга тўғри келса, унда клуб Уго Экитикедан фойдаланиши мумкин. "Айнтрахт" босслари футболчи учун камида 100 млн евро талаб қилмоқда. Аввалроқ, франциялик футболчига "Челси" ва "МЮ" клублари қизиқиш билдираётган эди.
