"Реал" бош мураббийи Хаби Алонсо "Монтеррей" марказий ҳимоячиси Серхио Рамос ҳақидаги саволга жавоб берди.
"Лос-Бланкос"нинг 39 ёшли собиқ сардори клублар ўртасидаги жаҳон чемпионатининг чорак финалида собиқ жамоасига қарши ўйнаши мумкин.
"Энг муҳими ғалаба қозониш. Лекин Серхио билан ўтмишда кўп ўйин ўтказганмиз. У шундай ёшда ўйнашда давом этаётганидан хурсандман. У неча ёшда? 39, 40? Аниқ билмайман, лекин мен у учун жуда хурсандман. Умид қиламанки, чорак финалда у билан учрашамиз", - деди Алонсо матбуот анжуманида.
Серхио Рамос 2005 йилдан 2021 йилгача "Реал"да ўйнаган.
