"Бавария" Ник Вольтемаде учун қанча тўлашга тайёрлигини маълум қилди.
Kicker хабарига кўра, "Штутгарт" 23 ёшли ҳужумчи учун 80-100 миллион евро ишлаб олмоқчи, мюнхенликлар эса кўпи билан 50 миллион тўлашга тайёр. Футболчининг ўзи "Бавария"га ўтишни истамоқда.
"Штутгарт" ўз навбатида "Бавария"нинг 21 ёшли ярим ҳимоячиси Паул Ваннерга қизиқиш билдирмоқда. Ўйинчи трансфердан манфаатдор. Мюнхенликлар Ваннерни ижарага беришни режалаштирмоқда - идеал ҳолда еврокубокларда ўйнайдиган жамоага.
Германиялик футболчига "Штутгарт"дан ташқари "Вердер" ҳам даъвогарлик қилмоқда.
