Мадриднинг "Реал" клуби бош мураббийи Хаби Алонсо клублар ўртасидаги жаҳон чемпионати чорак финалида жамоасининг эҳтимолий рақиблари тўқнашувини томоша қилишини айтди.

Испания гранди "Ювентус"ни мағлуб этиб (1:0), 1/4 финалнинг еттинчи иштирокчисига айланди. Кейинги босқичга сўнгги йўлланма Дортмунднинг "Боруссия"си ва Мексиканинг "Монтеррей" жамоалари ўртасидаги баҳсда ўйналади - ушбу қарама-қаршилик ғолиби кейинги босқичда "Реал" билан ўйнайди.

"Албатта, ўйинни томоша қилмоқчиман. Кимни маъқул кўришим муҳим эмас. "Боруссия" ва "Монтеррей" мураббийини жуда яхши биламан," - дея Алонсонинг сўзларини келтиради Madrid Xtra.