Madridning "Real" klubi bosh murabbiyi Xabi Alonso klublar o‘rtasidagi jahon chempionati chorak finalida jamoasining ehtimoliy raqiblari to‘qnashuvini tomosha qilishini aytdi.
Ispaniya grandi "Yuventus"ni mag‘lub etib (1:0), 1/4 finalning yettinchi ishtirokchisiga aylandi. Keyingi bosqichga so‘nggi yo‘llanma Dortmundning "Borussiya"si va Meksikaning "Monterrey" jamoalari o‘rtasidagi bahsda o‘ynaladi - ushbu qarama-qarshilik g‘olibi keyingi bosqichda "Real" bilan o‘ynaydi.
"Albatta, o‘yinni tomosha qilmoqchiman. Kimni ma’qul ko‘rishim muhim emas. "Borussiya" va "Monterrey" murabbiyini juda yaxshi bilaman," - deya Alonsoning so‘zlarini keltiradi Madrid Xtra.













