"Ливерпуль" ва Португалия терма жамоаси ҳужумчиси Диогу Жота йўл-транспорт ҳодисаси қурбони бўлди. 28 ёшли Жота ва унинг укаси Андре бўлган автомобиль йўлдан ариққа тушиб кетган ва ёниб кетган. Йўл-транспорт ҳодисасига ёрилиб кетган шина сабаб бўлгани тахмин қилинмоқда.
Лондоннинг "Арсенал" клуби фожиадан сўнг оммага ҳамдардлик билдириб, "Ливерпуль"ни қўллаб-қувватлади.
"Арсенал"дагиларнинг барча фикр-хаёллари Диогунинг оиласи, дўстлари ва "Ливерпуль" билан боғлиқ бўлган барча инсонлар билан", - дейилади "канонирлар" баёнотида.
"Ливерпуль"да Диогу Жота беш мавсум ўтказди ва тўртта совринни қўлга киритди - Премьер-лига, Англия кубоги ва иккита Лига кубоги.
