Ҳужумчи Жонатан Дэвид аллақачон Италияда. Ижтимоий тармоқларда 25 ёшли канадалик футболчини Италия аэропортида кўришган.
Дэвид яқин пайтда "Ювентус" футболчисига айланиши кутилмоқда. Турин топ-клуби канадалик футболчини эркин агент сифатида ўз сафига қўшиб олади.
Форвард бу мақомга ҳафта бошида, "Лилль" билан шартномаси тугагач, эришганди. Жонатан жамоа сафида 232 та ўйин ўтказиб, 109 та гол урган ва 30 та голли узатмани амалга оширган.
“Ювентус” сўнгги Италия чемпионатини турнир жадвалида тўртинчи ўринда якунлади. Игор Тюдор жамоаси Чемпионлар лигасининг умумий босқичига йўлланма олди.
