Жума куни вингер Нико Уильямс "Атлетик" билан шартномасини ўн йилга узайтиргани маълум бўлди. Футболчи яқинда "Барселона" билан фаол боғланган эди, аммо трансфер бекор қилинди.
Журналист Хосе Альварес El Chiringuito дастурида айтганидек, Уилямс билан шартнома узайтирилгани эълон қилинганидан кейин "Барселона" ҳайратда қолди. Бир кун аввал Никонинг агенти футболчи томони барча муаммоларни ҳал қилиш учун бир ҳафта кутишини айтга эди.
"Барселона"нинг фикрича, 22 ёшли Уильямс ҳурматсизлик кўрсатди, чунки трансферни дастлаб футболчининг тарафи бошлаган. Жоан Лапорта Нико билан шартнома имзолашни истамади, бироқ “Барселона” президенти футболчининг хизматлари унинг агенти томонидан таклиф қилинганидан сўнг кўп ўтмай келишувнинг амалга ошишига ишонч ҳосил қилди.
