Эндрик "Реал"даги имкониятларини чамаламоқчи ва Бразилия билан ЖЧ-2026га бормоқчи.
18 ёшли бразилиялик ҳужумчи ўтган мавсумда "Реал" сафида Ла Лигада 22 та ўйинда майдонга тушиб, 1 та гол урди ва майдонда ўртача 16 дақиқа ҳаракат қилди.
"Эндрик Пальм-Бичда (мадридликлар ижрочи директори) Хосе Анхель Санчес ва (клуб бош скаути) Хуни Калафат билан жамоадаги истиқболларини муҳокама қилиш учун учрашув ўтказди.
Ҳужумчи шу ой, 21 июль куни 19 ёшга тўлади, унинг мадридликлар билан шартномаси 2030 йилгача мўлжалланган. Дебют мавсумида у аллақачон (барча турнирларда) 7 та гол урган.
Ёш бразилияликнинг асосий мақсадларидан бири 2026 йилги жаҳон чемпионатида Бразилия терма жамоаси таркибида иштирок этиш бўлиб қолмоқда," - деб ёзади COPE журналисти Мигель Анхель Диас.













