Ламин Ямал "Барселона"да ўнинчи рақамни олади, гарчи янги футболкалар тақдимоти фақат 13 июль куни бўлиб ўтса-да, бунга энди ҳеч ким шубҳа қилмайди.
Шу билан бирга, "Барселона" кейинги мавсум учун маълум миқдордаги футболкаларни сотувга чиқарди ва фамилиясиз бўлса-да, орқасида 10-рақамли футболка бўлганлари биринчи куннинг ўзидаёқ "Барселона" учун рекорд кўрсаткич билан сотилди. Ҳатто Роберт Левандовски, Педри ва Гавининг футболкалари ҳам бир кеча-кундузда бунчалик кўп сотилмади.
Ва агар "Барселона" раҳбарияти бу борада қандайдир шубҳага борган бўлса ҳам, эндиликда Ансу Фати кетганидан кейин бўшаган ўнинчи рақамни айнан Ямалга тақдим этиши шарт.
