Лондоннинг "Челси" клуби клублар ўртасидаги жаҳон чемпионати 1/4 финали доирасида Бразилиянинг "Палмейрас" жамоасидан устун келди (2:1).
16-дақиқада "кўклар" Коул Палмернинг аниқ зарбаси эвазига ҳисобда олдинга чиқиб олишди, 53-дақиқада эса ҳисоб тенглашди - 18 ёшли Эстевао Виллиан ҳимоячи ва дарвозабон Роберт Санчесни доғда қолдирди. 84-дақиқада киритилган автогол лондонликларга ғалаба келтирди.
Учрашувнинг энг яхши футболчиси деб яқинда "Палмейрас"дан "Челси"га ўтадиган Эстевао топилди. Вундеркинд клублар ўртасидаги жаҳон чемпионати якунлангач, инглиз гранди сафига қўшилади. Шу тариқа, бўлажак жамоа дарвозасига киритилган гол ўсиб келаётган юлдуз учун Европага кетиш олдидан сўнггиси бўлди.
