Патрик Виейра Жейми Вардининг "Женоа"га ўтишига вето қўйди.
Daily Mail нашрининг La Republicca'га таяниб хабар беришича, Генуя клуби бош мураббийи 38 ёшли ҳужумчининг трансферига тўсқинлик қилган. Варди "Лестер" билан шартномаси тугаганидан кейин "Женоа"га ўтишга яқин эди.
Таъкидланишича, Виейра Англия терма жамоаси собиқ форварди билан шартнома имзолаш мақсадга мувофиқлигига ишонмаган ва шахсан ўзи шартномани бекор қилган.
Ҳозирча Варди учун курашда "Рейнжерс" фаворит бўлиб турибди. Шунингдек, футболчи билан "Комо" ва "Ноттингем Форест" боғланган.
Қайд этилишича, Виейрга яқин манба дастлабки маълумотни рад этган ва мураббий ҳали ҳам ёзда янги ҳужумчи билан шартнома имзолаш вариантларини кўриб чиқаётганини тушунтирган.
Варди ўтган мавсумда АПЛда 35 та ўйинда 9 та гол урди ва 4 та голли узатмани амалга оширди.
