Айни пайтда Бразилия терма жамоаси бош мураббийи лавозимини эгаллаб келаётган италиялик мутахассис Карло Анчелотти "Олтин тўп"ни олишга лойиқ футболчи номини айтди.
"Паоло Мальдини фаолияти давомида "Олтин тўп"га лойиқ эди. Унинг бу совринни қўлга кирита олмаганининг ягона сабаби - ҳимоячилиги эди", - деди италиялик мутахассис Give me Sport билан суҳбатда.
Эслатиб ўтамиз, Мальдини 1984 йилдан 2009 йилгача "Милан" шарафини ҳимоя қилган. "Россонерлар" билан бирга у 7 марта Италия чемпиони бўлган ва 5 марта УЕФА Чемпионлар лигасида ғолиб чиққан. Италия терма жамоаси таркибида Паоло 126 та ўйин ўтказиб, 7 та гол урган.













