"РБ Лейпциг" ҳужумчиси Беньямин Шешкога "Ал-Ҳилол" қизиқиш билдирмоқда. Словениялик футболчи учун асосий даъвогар узоқ вақтдан бери Лондоннинг "Арсенал" клуби бўлиб келган ва у аллақачон Виктор Дьёкереш фойдасига танлов қилган кўринади. Шунингдек, 22 ёшли футболчига Европанинг етакчи чемпионатларидаги бошқа грандлар ҳам қизиқиш билдирмоқда. Инглиз ОАВ маълумотига кўра, истиқболли ҳужумчини "Ал-Ҳилол" ўз сафига қўшиб олишга ҳаракат қилади. Саудия клуби футболчини ўз сафига қўшиб олишга уриниб кўрган, бироқ у фаолиятини Европада давом эттириш истаги туфайли рад жавобини берган.

Беньямин Шешконинг нархи Transfermarkt портали мутахассислари томонидан 70 млн еврога баҳоланмоқда. Ўтган мавсумда ҳужумчи "қизил буқалар" сафида 45 та ўйинда майдонга тушиб, 21 та гол ва 6 та голли узатмани амалга оширди.