"Наполи" ҳужумчи Дарвин Нуньес бўйича "Ливерпуль" билан музокараларни давом эттирмоқда.
Куни кеча Италия клуби "қизиллар"га янги таклиф билан чиқди: инсайдер Жанлука ди Марционинг маълумотига кўра, партенопияликлар 26 ёшли форвард учун 50 млн евро ва 5 млн бонус тўлашга тайёр. Бундай шартлар "Ливерпуль"га қанчалик маъқул келиши ҳозирча номаълум.
Неаполликларга "Удинезе"дан Лоренцо Лукка ҳам қизиқ. Тахминларга кўра, 24 ёшли италиялик футболчи трансфер ва маош харажатларини ҳисобга олганда Нуньесдан тахминан икки баробар арзонроққа тушади.
Аввалроқ, "Ливерпуль" Дарвин Нуньесни сотишдан 75 млн евродан кўпроқ маблағ ишлаб олмоқчи экани ҳақида хабарлар тарқалган эди.
