"Флуминенсе" бош мураббийи Ренато Гаучо 40 ёшли ҳимоячи Тиаго Силванинг клублар ўртасидаги ЖЧ-2025 ярим финалига чиқишдаги ҳиссаси ҳақида гапирди.
"Жуда муҳим. У бир неча жаҳон чемпионатларида иштирок этган ва узоқ вақт давомида Европанинг энг йирик клубларида ўйнаган. У биз учун жуда муҳим.
У катта тажрибага эга – бу худди майдондаги мураббийдек. У жамоадошларини тактик жиҳатдан бошқаради ва қийин рақибларимиз ҳақида гап кетганда кўп маслаҳат бера олади, чунки улар билан аввал ҳам ўйнаган. 40 ёшга тўлган бўлса-да, ўйин услуби билан 2026 йилги жаҳон чемпионатига бориши мумкин", - дея Гаучонинг сўзларини келтиради ФИФА расмий сайти.
