Массимилиано Аллегри келиши билан ярим ҳимоячи Ясин Адли бутунлай клубнинг келажак режаларига кирмай қўйди, шунинг учун "Милан" ундан қутулиш имкониятини фаол изламоқда.
Италияликлар Адлини Москванинг "Спартак" клубига жўнатишга уриниб кўришди, бироқ унинг ўзи у ерга ўтишдан бош тортди ва ҳозирда "Милан" Адлини Италиянинг бошқа бир клуби - "Сассуоло"га сотишга ҳаракат қилмоқда, дея хабар бермоқда италиялик журналист Никола Скира.
"Милан" Адлини "Сассуоло"га жўнатиш устида ишламоқда. У Аллегрининг режаларига кирмайди," - деб ёзади журналист.
Эслатиб ўтамиз, франциялик футболчи "Милан" сафида 2021 йилдан буён тўп тепиб келмоқда.
