"Челси" бош мураббийи Энцо Мареска клублар ўртасидаги жаҳон чемпионати ярим финалидан ўрин олган "Флуминенсе"га (2:0) қарши ўйиндан сўнг ўз таассуротлари билан ўртоқлашди.
Лондонликлар ҳар бир бўлимда биттадан гол уришди - янги ўйинчи Жоао Педро дубль қайд этди.
"Ажойиб ютуқ. Биз ажойиб мавсумни ўтказдик: Премьер-лигада тўртликдан жой олдик, Конференциялар Лигасида ғалаба қозондик, энди эса клублар ўртасидаги жаҳон чемпионати финалига чиқдик. Биз жуда, жуда бахтиёрмиз. Олдинда сўнгги ўйин бор - умид қиламанки, биз турнирда ғалаба қозона оламиз," - деди Мареска DAZN билан суҳбатда.
