ФИФА ва футболчилар касаба уюшмаси вакиллари футболчилар учун дам олиш бўйича келишиб олишди.
ФИФА раҳбари Жанни Инфантинонинг халқаро касаба уюшмалари вакиллари билан учрашуви клублар ўртасидаги жаҳон чемпионати финали олдидан Нью-Йоркда бўлиб ўтди. Томонлар ҳар бир мавсум якунида ўйинлар ўртасида мажбурий минимал 72 соатлик танаффус ва 21 кунлик дам олиш масаласида келишувга эришди.
"Ўйинлар ўртасида камида 72 соатлик дам олиш бўлиши, футболчилар эса ҳар мавсум охирида камида 21 кун дам олиши ёки таътилга чиқиши кераклиги ҳақида консенсус мавжуд. Бу давр ҳар бир клуб ва ҳар бир футболчи томонидан тақвим ва жамоавий шартномаларга қараб индивидуал тарзда тартибга солиниши керак," - дейилади ФИФА хабарида.
Шу билан бирга, ташкилот бу амалда қандай ишлашини тушунтирмади. Пайшанба куни кечқурун Европа Лигасида ўйнайдиган Европа жамоалари одатда якшанба куни ўз миллий чемпионатларида ўйин ўтказадилар. 72 соатлик танаффусни ҳисобга олсак, душанбагача кутишларига тўғри келади. Бундеслигада эса душанба кунлари ўйинлар ўтказилмайди.
