FIFA va futbolchilar kasaba uyushmasi vakillari futbolchilar uchun dam olish bo‘yicha kelishib olishdi.

FIFA rahbari Janni Infantinoning xalqaro kasaba uyushmalari vakillari bilan uchrashuvi klublar o‘rtasidagi jahon chempionati finali oldidan Nyu-Yorkda bo‘lib o‘tdi. Tomonlar har bir mavsum yakunida o‘yinlar o‘rtasida majburiy minimal 72 soatlik tanaffus va 21 kunlik dam olish masalasida kelishuvga erishdi.

"O‘yinlar o‘rtasida kamida 72 soatlik dam olish bo‘lishi, futbolchilar esa har mavsum oxirida kamida 21 kun dam olishi yoki ta’tilga chiqishi kerakligi haqida konsensus mavjud. Bu davr har bir klub va har bir futbolchi tomonidan taqvim va jamoaviy shartnomalarga qarab individual tarzda tartibga solinishi kerak," - deyiladi FIFA xabarida.

Shu bilan birga, tashkilot bu amalda qanday ishlashini tushuntirmadi. Payshanba kuni kechqurun Yevropa Ligasida o‘ynaydigan Yevropa jamoalari odatda yakshanba kuni o‘z milliy chempionatlarida o‘yin o‘tkazadilar. 72 soatlik tanaffusni hisobga olsak, dushanbagacha kutishlariga to‘g‘ri keladi. Bundesligada esa dushanba kunlari o‘yinlar o‘tkazilmaydi.