Жанубий Кореянинг Инчеон шаҳрида старт олган ёпиқ иншоотлардаги IV Осиё ўйинларида ўз иштирокини бошлаган Ўзбекистон аёллар футзал терма жамоаси «В» гуруҳи 2-тур ўйинида Индонезия футзал терма жамоасига йирик - 1:5 ҳисобида мағлуб бўлди.

Эслатиб ўтамиз, Аваз Максумов бош мураббийлигидаги Ўзбекистон аёллар футзал терма жамоаси мусобақанинг илк турида Япония терма жамоаси футзалчи қизларига ҳам йирик ҳисобда имкониятни бой берган эдилар. Индонезия қарши кечган учрашувда ҳам, ўзбекистонлик футзалчи аёллар йирик ҳисобда мағлуб бўлди. Маълумот ўрнида, Ўзбекистон аёллар футзал терма жамоаси мусобақанинг 3-турида 30 июнь куни Хитой аёллар терма жамоасига қарши майдонга тушади.

Таъкидлаш жоиз, эркаклар ўртасидаги футзал мусобақалари ҳам 26 июнь куни старт олди. Унда иштирок этаётган Ўзбекистон футзал терма жамоаси 27 июнь куни 1-тур доирасида Афғонистон футзал терма жамоасига қарши майдонга тушди ва йирик ҳисобда ғалаба қозонди .

Ёпиқ иншоотлардаги IV Осиё ўйинлари. Футзал.
«В» гуруҳи. 2-тур. 26 июнь.
Ўзбекистон - Индонезия - 1:5
Ўзбекистон футзал терма жамоаси таркиби: Олия Акрамова, Рушания Сафина, Мавлуда Мунавварова, Саида Галимова, Екатерина Сальникова (асосий таркиб). Заҳира: Гулшаной Жалолова, Зиёда Туланбоева, Ирода Турдиалиева, Нодира Жумаева, Ўғилой Қўчқорова, Альбина Белалова, Ойгулхон Ёқубова, Марина Собирова, Елена Лагуткина