Грузия терма жамоаси дарвозабони Гиорги Мамардашвили "Ливерпул"даги мақсадлари ҳақида гапирди.

Инглиз клуби ўтган ёзда Мамардашвилининг трансферини амалга оширди. 24 ёшли дарвозабон ўтган мавсумни "Валенсия" сафида ўтказди ва шу йилнинг июль ойи бошида у расман "мерсисайдликлар" футболчисига айланди.

"Болалигимда интернетда дарвозабонлар билан кўплаб видеоларни кўрганман, "Ливерпул"нинг баъзи дарвозабонларини эслайман: Эржи Дудек, Пепе Рейна, ҳозир эса Алиссон Беккер дарвозада ўйнайди. "Ливерпул"нинг бой дарвозабон мероси бор ва мен ўз бобимни шу ерда ёзишга ҳаракат қилмоқчиман.

Алиссон ҳақида айтишим мумкинки, у ҳозир дунёнинг энг яхши дарвозабонларидан бири ва у билан ишлаш ва ундан ўрганиш имкониятига эга бўлганимдан жуда хурсандман.

Албатта, асосий таркибдан жой учун кураш мен учун қийин бўлади. Лекин менга бундай қийинчиликлар ёқади. Мен бу ерда бор кучимни бериб, жамоага ёрдам бериш учун келдим" - деди Мамардашвили "Ливерпуль" матбуот хизматига берган интервьюсида.

Ўтган мавсумда Мамардашвили "Валенсия" билан Ла Лигада 34 та ўйинда майдонга тушиб, 48 та гол ўтказиб юборган.