Франциянинг "ПСЖ" клуби раҳбарияти ҳамон "Борнмут"нинг украиналик ҳимоячиси Илья Забарнийни ўз сафига қўшиб олишни мақсад қилган.
L'Equipe журналистлари тарқатган хабарга кўра Париж топ-клуби ёзда бирданига уч нафар футболчисини сотишга қарор қилган. Тушган маблағ эвазига Франция чемпиони Забарний трансферини расмийлаштирмоқчи. Рўйхатга қуйидаги футболчилар киритилган: ҳужумчи Гонсалу Рамуш, ҳимоячи Люка Эрнандес ва ярим ҳимоячи Ли Кан Ин.
Transfermarkt портали 22 ёшли украиналикнинг бозор нархини 42 миллион еврога баҳоламоқда. У "Борнмут" билан 2029 йил июнь ойи охиригача шартнома имзолаган.
