Англиянинг "Манчестер Юнайтед" клуби "Брайтон" ҳимоячиси Первис Эступиньян трансферига қизиқиш билдирмоқда. Бу ҳақда журналист Бен Жейкобс ўз ижтимоий тармоқларида ёзди.
Манбага кўра, "МЮ" мутасаддилари Эквадор терма жамоаси аъзоси билан гаплашиб бўлган, аммо ҳали клубга расмий таклиф билан чиқмаган. Қайд этилишича, "Брайтон" Эступиньянни сотиб юборишга қаршилик қилмаса керак, чунки унинг ўрнига бошқа футболчи сотиб олган. Эступиньянни "МЮ"дан ташқари "Милан" ҳам кузатиб бормоқда.
Ўтган мавсумда ҳимоянинг чап қанотида тўп тепаётган 27 ёшли футболчи барча мусобақаларда 36 та ўйинда майдонга тушиб, 7 та сариқ карточка олди, 1 та гол урди ва 1 та голли узатмани амалга оширди.
