Angliyaning "Manchester Yunayted" klubi "Brayton" himoyachisi Pervis Estupinyan transferiga qiziqish bildirmoqda. Bu haqda jurnalist Ben Jeykobs o‘z ijtimoiy tarmoqlarida yozdi.
Manbaga ko‘ra, "MYU" mutasaddilari Ekvador terma jamoasi a’zosi bilan gaplashib bo‘lgan, ammo hali klubga rasmiy taklif bilan chiqmagan. Qayd etilishicha, "Brayton" Estupinyanni sotib yuborishga qarshilik qilmasa kerak, chunki uning o‘rniga boshqa futbolchi sotib olgan. Estupinyanni "MYU"dan tashqari "Milan" ham kuzatib bormoqda.
O‘tgan mavsumda himoyaning chap qanotida to‘p tepayotgan 27 yoshli futbolchi barcha musobaqalarda 36 ta o‘yinda maydonga tushib, 7 ta sariq kartochka oldi, 1 ta gol urdi va 1 ta golli uzatmani amalga oshirdi.
