"Барселона" Конго Демократик Республикаси билан ҳомийлик шартномасини имзолашга яқин турибди.
Mundo Deportivo хабарига кўра, Каталония клуби Конго Демократик Республикаси билан 4 йиллик ҳомийлик шартномасини имзолашга яқин турибди. Шартнома шартларига кўра, клуб йилига 11 миллион евро, жами 44 миллион евро олади.
Ўтган ҳафта Конго Демократик Республикаси спорт ва ўйин-кулги вазири Диде Будимбу бир неча ҳафта давомида "Барселона" билан жиддий музокаралар олиб боргани хабар қилинганди. Мақсад клуб футболкаларининг орқа томонига "RDC, cœur de l’Afrique" ("ДР Конго, Африка юраги") логотипини жойлаштиришдир.
Шу тариқа "Барселона" июнь ойида Конго ДР билан ҳамкорлигини расман эълон қилган "Монако"дан ўрнак олади.
Лига 1 клуби Африка мамлакатида футболни ривожлантириш мажбуриятини олди.
Конго ДР ва Барселона ўртасидаги келишув Ла Лиганинг ҳалол ўйин ҳолатини яхшилашга ёрдам беради.
