ФИФА делегати Алишер Никимбаев клублар ўртасидаги жаҳон чемпионати ўйинлари момақалдироқ ва ёмғир туфайли тўхтатилиши муаммоси ҳақида гапирди.
Келаси йили АҚШда терма жамоалар ўртасида жаҳон чемпионати ўтказилиши муносабати билан бу муаммо долзарб аҳамият касб этмоқда.
"Бундай кечикишлар бутун турнир тақвимига таъсир қилиши мумкин. Умуман олганда, муаммолар ва қийинчиликлар бор, аммо ФИФАда ЖЧ-2026ни ташкил этиш билан боғлиқ муаммоларни ҳал қилиш учун бир йил борлиги яхши," - дея Никимбаевнинг сўзларини келтиради Metaratings.
АҚШнинг амалдаги қонунчилигига кўра, агар стадиондан 12 миль радиусда чақмоқ сезилса, учрашув камида 30 дақиқага тўхтатилади.
Шундай қилиб, клублар ўртасидаги жаҳон чемпионатининг баъзи ўйинлари асосий вақтдан икки ва ҳатто тўрт соатга чўзилди.
