"Тоттенхэм" бош мураббийи Томас Франк жамоанинг мақсадлари ҳақида фикр билдирди. Ўтган мавсум якунланганидан кўп ўтмай, "шпорлар" президенти Даниэл Леви Европа Лигасидаги ғалабалар етарли эмаслигини, чунки клуб Премьер-лига ва Чемпионлар Лигасида зафар қучишга қодирлигини айтди.
"Мен бу амбицияларга қўшиламан - бундай миқёсдаги клубда бундай амбициялар бўлиши керак. Айни дамда биз бундан қанчалик йироқ эканлигимизни айтиш қийин, аммо биз келажакка қарашимиз ва мақсадларга эришиш учун ҳаракат қилишимиз керак," - деди даниялик мураббий ОАВ билан суҳбатда.
Томас Франк июнь ойида истеъфога чиқарилган Анге Постекоглу ўрнига "Тоттенхэм"ни қабул қилиб олганди.
АПЛнинг ўтган мавсумида лондонликлар 17-поғонани банд этишганди.
